‘भारतमा भनेको जस्तो तलब पाइन्छ’ भनेर चार बालिकालाई भारत लैजाँदै गर्दा एक पक्राउ
सुनसरी : चार जना बालिकालाई पैदलयात्रामार्फत नेपालबाट भारततर्फ लैजाँदै गरेको अवस्थामा इलाका प्रहरी कार्यालय भाण्टाबारीबाट खटिएको प्रहरी टोलीले एक जनालाई पक्राउ गरेको छ।
कोशी गाउँपालिका-८ भाण्टाबारीबाट सप्तरी कञ्चनरुप नगरपालिका-१२ बस्ने २६ वर्षीय सनोज सदालाई पक्राउ गरिएको जिल्ला प्रहरी कार्यालयका प्रहरी प्रवक्ता रामप्रसाद तिमल्सिनाले जानकारी दिए।
उनका अनुसार ‘भारतमा काम गर्ने मानिसको आवश्यकता छ, भनेको जस्तो तलब पाइन्छ’ भनी प्रलोभन देखाएर भारततर्फ लगिरहेको अवस्थामा उनलाई पक्राउ गरिएको हो।
पक्राउ परेका सदालाई जिल्ला प्रहरी कार्यालयको हिरासतमा राखेर थप अनुसन्धान भइरहेको छ।
चारै जना बालिकालाई उद्धार गरी आफन्तको जिम्मा लगाइएको प्रहरीले जनाएको छ।
मंसिर १३, २०८१ बिहीबार १६:३१:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
