इङ्ल्यान्डका अलराउन्डर माइकले जनकपुरबाट एनपिएल खेल्ने

काठमाडौं : इङ्ग्ल्यान्डका अलराउन्डर बेन माइकले जनकपुर बोल्ट्सबाट सिद्धार्थ बैंक नेपाल प्रिमियर लिग (एनपिएल) को पहिलो संस्करण खेल्ने भएका छन्।

जनकपुरले विदेशी खेलाडीको रुपमा इङ्ग्लिस अलराउन्डर माइकलाई टोलीमा अनुबन्ध गरेको बुधवार सामाजिक संजालमार्फत जनाएको छ।

२६ वर्षिय माइकले ६७ टि ट्वान्टी खेलमा ५७ विकेट तथा ६ सय ६९ विकेट लिएका छन्।

जनकपुरले यसअघि न्युजिल्याण्डका जिमी निशम, अमेरिकाका जोशुवा ट्रम्प, अमेरिकाका मोहम्मद मोहसिन, अर्का अमेरिकी क्रिकेटर लाहिरु मिलन्था र पाकिस्तानका अलराउन्डर सोयब मक्सुदलाई अनुबन्ध गरेको थियो।

नेपाली राष्ट्रिय क्रिकेट टोलीका विकेटकिपर ब्याटर आसिफ शेख मार्की खेलाडी रहेको जनकपुरमा पुबुदु दासानायके मुख्य प्रशिक्षकको जिम्मेवारीमा छन्।

नेपाल क्रिकेट संघ (क्यान) को आयोजनामा मंसिर १५ देखि पुस ६ गतेसम्म हुने एनपिएलमा ८ टोलीले प्रतिस्पर्धा गर्नेछन्। उद्घाटनको दिन नै जनकपुरले विराटनगर किङ्सको सामना गर्नेछ।

मंसिर १२, २०८१ बुधबार ०९:१५:२० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।