इजरायल र हिजबुल्लाह युद्धविरामको नजिक, आज मन्त्रिपरिषद्मा छलफल हुने
एजेन्सी : इजरायल र लेबनान युद्धविराममा सम्झौतामा पुग्न नजिक छन्। यसबारे छलफल गर्न इजरायली मन्त्रिपरिषद्को बैठक आज बस्दैछ।
इजरायल र लेबनानमा रहेको इरान समर्थित शिया सशस्त्र समूह हिजबुल्लाहबीचको लडाइ अन्त्य गर्न ६० दिनको युद्धविराम प्रस्ताव गरिएको इजरायली र अमेरिकी अधिकारीहरूले बताएका छन्।
यसमा दक्षिणी लेबनानबाट इजरायली सेना फिर्ता गर्ने र यस क्षेत्रमा हिजबुल्लाहको उपस्थितिको अन्त्य गर्ने विषय समावेश छ।
अमेरिकी राष्ट्रिय सुरक्षा परिषद्का प्रवक्ता जोन किर्बीले भने, ‘हामी युद्धविरामको नजिक पुगेका छौँ भन्ने विश्वास छ।’
आइतबार नै हिजबुल्लाहबाट इजरायलमा २५० रकेट प्रहार गरेको समयमा युद्धविरामबारे छलफल भइरहेको हो।
मंसिर ११, २०८१ मंगलबार ०९:३५:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
