विराटनगर किंग्सका मुख्य प्रशिक्षक काठमाडौंमा

काठमाडौं : नेपाल प्रिमियर लिगको फ्रेन्चाइजी टोली विराटनगर किंग्सका मुख्य प्रशिक्षक केभिन ओब्रिन काठमाडौं आइपुगेका छन्।

आयरल्यान्डका पूर्व खेलाडी समेत रहेका केभिन सोमबार दिउँसो काठमाडौं आइपुगेको विराटनगर किंग्सले आफ्नो सामाजिक सञ्जालमार्फत खुलाएको छ।

केभिनलाई टिमका प्रतिनिधिले त्रिभुवन अन्तर्राष्ट्रिय विमानस्थलमा स्वागत गरेका छन्। सन्दीप लामिछाने मार्की खेलाडी रहेको टोलीमा प्रतिश जीसी र लोकेश बमजस्ता स्थानीय खेलाडी छन्।

यस्तै ओमानका आकिब इलियास, न्यूजिल्याल्डका मार्टिन गुप्टिल, स्कटल्यान्डका क्रिस सोल र अफगानिस्तानका इस्मत आलमजस्ता विदेशी खेलाडी पनि सामेल छन्।

विराटनगरले एनपीएलको ओपनिङ खेलमा जनकपुर बोल्ट्सको सामना गर्नेछ।

‘कोशीको सान, हाम्रो पहिचान’ नाराका साथ टिमले आफ्नो प्रचारलाई तीव्र पारेको छ। साथै कोशीले आफ्नो ह्यासट्याग ‘लेट्सगोकिंग्स’ तय गरेको छ।

एनपीएलको ट्रफी समेत आज अनावरण गरिएको छ।

मंसिर १०, २०८१ सोमबार १३:३२:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।