नेपाल प्रिमियर लिगको ट्रफी अनावरण
काठमाडौं : आगामी मंसिर १५ गतेदेखि हुने ‘सिद्धार्थ बैंक नेपाल प्रिमियर लिग’को ट्रफी अनावरण भएको छ।
सुन्धारास्थित धरहरा परिसरमा प्रधानमन्त्री केपी शर्मा ओलीसँगै आठ टिमका मार्की खेलाडीले लिगको ट्रफी अनावरण गरेका हुन्।
ट्रफी अनावरण गर्नुअघि प्रधानमन्त्री केपी शर्मा ओलीले सम्बोधन समेत गरेका थिए।
सम्बोधनका क्रममा उनले समग्र क्रिकेट क्षेत्रमा प्रशंसा गर्दै हरेक टिमका मार्की खेलाडीको खुलेर प्रशंसा गरेका थिए।
मंसिर १५ गतेदेखि तीन सातासम्म त्रिवि क्रिकेट मैदानमा हुने लिगमा काठमाडौं, विराटनगर, जनकपुर, चितवन, पोखरा, लुम्बिनी, कर्णाली र सुदूरपश्चिम गरी आठ टोली सहभागी हुँदैछन्।
लिगका लागि ३० भन्दा बढी विदेशी खेलाडी समेत नेपाल आउँदैछन्। हरेक टोलीले आफ्नो प्रशिक्षक राखेर क्लोज क्याम्प गर्न थालिसकेका छन्।
मंसिर १०, २०८१ सोमबार १०:१४:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
