रियल मड्रिडको जितमा एम्बाप्पेको गोल
एजेन्सी : रियल म्याड्रिडले स्पेनिस ला लिगामा आइतवार लेगानेसलाई ३-० ले हराएको छ।
रियलका लागि केलियन एमबाप्पे, फेडरिको भाल्भार्डे र जुड बेलिङघमले गोल गरे।
यो जितपछि रियलले शीर्षस्थानको बार्सिलोनासँगको दूरी ४ अंक भएको छ। शनिबार बार्सिलोना बराबरीमा रोकिएको थियो।
एमबाप्पेले ४३औं मिनेटमा गोल गर्दा रियलले पहिलो हाफमा १-० को अग्रता बनायो। रियलमा यो उनको सातौं गोल हो।
भाल्भार्डेले ६६औं र बेलिङघमले ८५औं मिनेटमा गोल गरेपछि रियलले सहज जित निकाल्यो। १३ खेलमा रियलको ३० अंक पुगेको छ।
आइतबारका अन्य खेलमा सेभियाले रायो भाल्कानोलाई १-० ले पराजित गर्यो। ओसासुना र भिल्लारियलले २–२ को बराबरी खेले।
मंसिर १०, २०८१ सोमबार ०७:४३:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
