धरहराबाट एनपीएलको ट्रफी सार्वजनिक हुँदै
काठमाडौं : सिद्धार्थ बैंक नेपाल प्रिमियर लिग (एसबीएल एनपीएल)को ट्रफी आज सार्वजनिक हुँदैछ।
बिहान साढे ८ बजे प्रधानमन्त्री केपी शर्मा ओलीले धरहराबाट ट्रफी सार्वजनिक गर्ने कार्यक्रम तय भएको नेपाल क्रिकेट संघ (क्यान)ले जनाएको छ।
ट्रफी सार्वजनिक समारोहमा प्रधानमन्त्रीसहित विशिष्ट व्यक्तित्वको सहभागिता रहनेछ।
पहिलो पटक नेपाल क्रिकेट संघ आफ्नै आयोजनामा क्रिकेट लिग हुन गइरहेको छ। यसको चर्चा अहिले विश्वभरका रहेका नेपाली क्रिकेटप्रेमीबीच छ।
मंसिर १५ गतेदेखि शुरू हुने प्रतियोगिताको प्रत्यक्ष प्रसारण भारतको चर्चित टेलिभिजन च्यानल स्टार स्पोर्ट्सबाट हुनेछ। त्यसकारण पनि लिगले छुट्टै हाइप बनाएको छ।
मंसिर १०, २०८१ सोमबार ०७:१५:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
