टोटनहमसँग म्यानचेस्टर सिटीको लज्जास्पद हार
एजेन्सी : इंग्लिस प्रिमियर लिगमा म्यानचेस्टर सिटी टोटनहमसँग ४-० गोलले लज्जास्पद पराजय व्यहोरेको छ।
सिटीको यो लगातार पाँचौं हार हो। सन् २००६ यता सिटी लगातार पाँच खेलमा पराजित रहेको यो पहिलो पटक हो।
गएराति भएको खेलमा पहिलो हाफमै म्याडिसनले दुई गोल गरेपछि पेड्रो पेरोले टोटनहमका लागि दोस्रो गोल थपे। त्यसपछि ब्रेनन जोन्सनले इन्ज्युरी समयमा चौथो गोल गरे।
यस नतिजासँगै घरेलु मैदान इतिहाडमा पेप ग्वार्डिओलाको सिटीको ५२ खेलको अपराजित यात्रा पनि टुंगेको छ। यो नतिजाका बाबजुद सिटी २३ अंकमा अझै दोस्रो स्थानमा छ। यो तालिकाको शीर्षमा रहेको लिभरपुलसँग पाँच अंकले पछाडि छ।
चेल्सी, आर्सनल र ब्राइटन समान २२ अंकमा शीर्ष पाँचभित्र अटाएका छन्।
मंसिर ९, २०८१ आइतबार ०७:४५:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
