पिकनिकबाट फर्किँदै गरेको स्कूल बस ‘ब्रेक फेल’ भएर दुर्घटना हुँदा २८ जना घाइते
भरतपुर : चितवनको उपरदाङगढीमा पिकनिक गएर फर्कँदै गरेको स्कुल बस दुर्घटनामा परेको छ।
कालिका नगरपालिका-४ पदमपुरस्थित चित्रवन माविको मधेश प्रदेश ०३–०११ क २६७७ नम्बरको बस आज साँझ ५ बजे कालिका नगरपालिका-९ द्रब्यटारमा दुर्घटनामा परेको जिल्ला प्रहरी कार्यालय चितवनले जनाएको छ।
दुर्घटनामा परेर चालकसहित २७ जना विद्यार्थी र एक शिक्षिका गरी २८ जना घाइते भएको जिल्ला प्रहरी कार्यालय चितवनका डिएसपी ज्ञानकुमार महतोले जानकारी दिए। घाइतेमध्ये एक जनाको अवस्था गम्भीर रहेको छ।
अहिले चितवन मेडिकल कलेजमा २२ र पुरानो मेडिकल कलेजमा ६ जनाको उपचार भइरहेको छ।
डिएसपी महतोका अनुसार ३० जना विद्यार्थीसहित ३२ जना बसमा सवार थिए। पिकनिक गएर फर्किँदै गर्दा ‘ब्रेक फेल’ भएर बस दुर्घटनामा परेको थियो।
मंसिर ८, २०८१ शनिबार २१:११:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
