कञ्चनपुरमा बस दुर्घटना हुँदा ३१ जना घाइते
२ घण्टा अघि
कञ्चनपुर : कञ्चनपुरको शुक्लाफाँटा नगरपालिका-११ स्थित कलुवापुरमा यात्रुबाहक बस दुर्घटना हुँदा ३१ जना घाइते भएका छन्।
धनगढीबाट महेन्द्रनगर आउँदै गरेको ना ४ ख ७७५५ नम्बरको बस दुर्घटना हुँदा बसमा सवार ३१ जना घाइते भएका छन्। त्यसमध्ये दुई जनाको अवस्था गम्भीर रहेको जिल्ला प्रहरी कार्यालयका सूचना अधिकारी डिएसपी उमेश जोशीले जानकारी दिए।
घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको छ।
डिएसपी जोशीका अनुसार घटनाबारे थप अनुसन्धान भइरहेको छ।
मंसिर ८, २०८१ शनिबार १८:११:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
