सर्वोच्चले मुद्दाको किनारा नलगाइदिँदा पाँच वर्षदेखि बनेन नारायणी अस्पतालको भवन
वीरगञ्ज : विवाद टुङ्गो नलाग्दा पाँच वर्षदेखि नारायणी अस्पतालको भवन निर्माण रोकिएको छ। भवन निर्माणसम्बन्धी मुद्दा सर्वाेच्च अदालतमा विचाराधीनहुँदा भवन निर्माण अलपत्र भएको हो।
संघीय सरकारले आर्थिक वर्ष २०७५/७६ मा नारायणी अस्पताललाई पाँच सय शय्यामा स्तरोन्नति गर्न आवश्यक रकम विनियोजन गरेर निर्माण प्रक्रिया प्रारम्भ गरेको थियो तर, सर्वोच्चमा मुद्दा दायर भएपछि काम ठप्प भएका अस्पतालका मेडिकल सुपरिटेन्डेन्ट डा चुमनलाल दासले बताए।
अस्पतालजस्तो संवेदनशील क्षेत्रको मुद्दालाई अग्राधिकार दिएर निरुपण हुन सर्वोच्चमा अनुरोध गरिने उनको भनाई छ। सर्वाेच्च अदालतले अस्पतालको मुद्दाको पेसी आगामी माघ २८ का निम्ति निर्धारण गरेको छ।
वीरगञ्जस्थित सघन सहरी तथा भवन निर्माण आयोजना र निर्माण कम्पनी भ्याली कन्स्ट्रक्सन प्रालि/नेसनल डेभलपमेन्ट इञ्जिनियरिङबीचको विवाद सर्वोच्च पुगेको हो।
मंसिर ८, २०८१ शनिबार १८:०४:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
