काठमाडौंको माछापोखरीमा दुई पुरूषको शव भेटियो
काठमाडौं : काठमाडौंको माछापोखरीमा दुई जनाको शव भेटिएको छ। काठमाडौं-१६ स्थित माछापोखरीमा छुट्टाछुट्टै ठाउँमा दुई पुरूषको शव भेटिएको जिल्ला प्रहरी परिसर काठमाडौंका एसपी नवराज अधिकारीले बताए।
बसन्तनगरस्थित क्लासिकल होटलमा २८ वर्षीय भोला पाठक मृत फेला परेका छन्। पाठक नुवाकोटको ककनी नगरपालिका-६ का स्थानीय हुन्।
त्यस्तै, माछापोखरीस्थित मितेरी पुल नजिकैको खाली जग्गामा रहेको पुरानो ठेलामाथि अन्दाजी ५५ वर्षीय पुरूषको शव फेला परेको छ। उनको सनाखत गर्ने प्रयास भइरहेको छ।
दुवै घटनाबारे प्रहरीले अनुसन्धान गरिरहेको छ।
मंसिर ६, २०८१ बिहीबार २१:१८:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
