अमेरिकाले युक्रेनलाई युद्धमा प्रयोग भएको ल्यान्ड माइन दिने

एजेन्सी : अमेरिकी राष्ट्रपति जो बाइडेनले युक्रेनलाई ‘एन्टी पर्सनल ल्यान्ड माइन’ उपलब्ध गराउन सहमत भएका छन्। अमेरिकी रक्षा विभागका एक अधिकारीले यो कुराको पुष्टि गरेका छन्।

नाम नबताउने सर्तमा विभागका एक अधिकारीले यस्ता खानीहरू छिट्टै युक्रेनलाई हस्तान्तरण गरिने र युक्रेनको सीमाभित्र प्रयोग हुने अमेरिकाको अपेक्षा रहेको बताए।

अमेरिकी अधिकारीका अनुसार युक्रेन पनि बाक्लो जनघनत्व भएको क्षेत्रमा यस्ता खानी प्रयोग नगर्न कटिबद्ध छ। पछिल्लो केही महिनादेखि युक्रेनको पूर्वतर्फ तीव्र गतिमा अघि बढिरहेको रुसी सेनालाई रोक्न यो निर्णय गरिएको मानिएको छ।

अमेरिकाका नवनिर्वाचित राष्ट्रपति डोनाल्ड ट्रम्पले जनवरी २० मा पदभार ग्रहण गर्दैछन्। यसभन्दा दुई महिना अगाडि नै वर्तमान अमेरिकी राष्ट्रपतिले युक्रेनलाई अमेरिकी सहयोगमा नयाँ निर्णय लिइरहेका छन्।

केही दिनअघि मात्रै अमेरिकाले युक्रेनलाई रुसभित्र लामो दूरीका क्षेप्यास्त्र प्रयोग गर्न अनुमति दिएको थियो। रुसले मंगलबार युक्रेनले अमेरिकी लामो दुरीका क्षेप्यास्त्र प्रयोग गरी रुसभित्र आक्रमण गरेको जनाएको छ।

रुसले रुस-युक्रेन युद्धमा युक्रेनलाई सहयोग नगर्न पश्चिमी देश र नाटो सदस्य राष्ट्रहरूलाई चेतावनी दिइसकेको छ।

मंसिर ४, २०८१ बुधबार १२:१८:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।