फिल्म ‘दुखी आत्मा’ भ्यालेन्टाइनमा रिलिज हुने, दीपेन्द्रले दोहोर्याए दयाहाङ
२ घण्टा अघि
काठमाडौँ : दीपेन्द्र लामाको लेखन र निर्देशनमा बनेको फिल्म ‘दुखी आत्मा’ले फागुनको २ को प्रदर्शन मिति घोषणा गरेको छ। फिल्मले प्रेम उत्सवको मौका पारेर भ्यालेन्टाइन डेमा फिल्म रिलिजको मिति घोषणा गरेको हो।
निर्देशक लामाले फिल्मको पोस्टर सार्वजनिक गर्दै सुझाव अनुसार प्रदर्शन मिति घोषणा गरेको उल्लेख गरे पनि कसको सुझाव भन्ने खुलाएका छैनन्।
निर्देशक लामाले यो फिल्ममा पनि नाङ्गो गाउँकै दयाहाङ राईलाई लिएका छन्। अभिनेत्रीमा आँचल शर्मा छिन्। अन्य कलाकारमा अनुप विक्रम शाही, बुद्धि तामाङ, रेयर राई लगायतका छन्।
हिमाल कडरिया निर्माता रहेको फिल्ममा सुदिप ढकाल कार्यकारी निर्माता, आलोक शुक्लाको छायाङ्कन रहेको छ।
कात्तिक २९, २०८१ शुक्रबार १६:१७:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
