डोनाल्ड ट्रम्पद्वारा महत्वपूर्ण पदमा नियुक्ति घोषणा
एजेन्सी : अमेरिकाका नवनिर्वाचित राष्ट्रपति डोनाल्ड ट्रम्पले आफ्नो मन्त्रिपरिषद्का महत्वपूर्ण पदहरू नियुक्त गर्दैछन्।
उनले अमेरिकी रक्षामन्त्री, सेन्ट्रल इन्टेलिजेन्स एजेन्सी (सीआईए) प्रमुख र ह्वाइट हाउस काउन्सिलमा नियुक्त गरेका छन्।
भारतीय मूलका विवेक रामास्वामी र एलोन मस्कलाई सरकारी दक्षता विभागको जिम्मेवारी दिइएको छ।
दुबैको नियुक्तिमा ट्रम्पले भने, ‘यी दुई उत्कृष्ट अमेरिकीहरूले सरकारी नोकरशाही हटाउन, फोहोर कम गर्न र संघीय एजेन्सीहरूको पुनर्गठन गर्न सँगै काम गर्नेछन्। यो सेभ अमेरिका आन्दोलनको लागि महत्त्वपूर्ण छ।’
ट्रम्पले रक्षामन्त्रीको जिम्मेवारी पिट हेगेसालाई, जोन र्याट्क्लिफलाई सीआईए प्रमुख र विलियम जोसेफ म्याकगाइललाई ह्वाइट हाउसका सल्लाहकारको जिम्मेवारी दिएका छन्।
पीट हेगेसा पूर्व सेना अधिकारी र दुई सैनिकहरूको वकालत समूहका पूर्व प्रमुख हुन्। हाल उनी फक्स न्युजको होस्ट छन्।
हेगेसाको नियुक्तिमा ट्रम्पले भने, ‘पिट अमेरिका फर्स्ट नीतिमा विश्वास गर्ने कडा, बुद्धिमान व्यक्ति हुन्। हाम्रो सेना फेरि बलियो हुनेछ र अमेरिका कहिल्यै पछि नहट्ने अपेक्षा पिटको नेतृत्वबाट गरेको छु।’
नयाँ सीआईए प्रमुखको बारेमा ट्रम्पले भने, ‘जोन र्याक्लिफले अमेरिकी जनताका लागि सधै सत्य र इमान्दारीका साथ काम गरेका छन्।’
जोन रेटक्लिफ अमेरिकाको नेशनल इन्टेलिजेन्सका पूर्व निर्देशक थिए।
ह्वाइट हाउस काउन्सिलको नियुक्तिमा ट्रम्पले भने, ‘विलियम जोसेफ म्याकगिन्ले एक स्मार्ट र दृढ वकिल हुन् जसले अमेरिका फर्स्ट नीतिलाई अगाडि बढाउनेछन्।’
कात्तिक २७, २०८१ बुधबार ०९:१६:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
