यु१९ महिला टी२० विश्वकप छनोटको अन्तिम खेल खेल्दै नेपाल, युएईलाई जित्नैपर्ने दबाब
काठमाडौं : यु१९ महिला टी२० विश्वकपको एसिया छनोटमा नेपालले आफ्नो अन्तिम खेलमा आज घरेलु टोली युएईको सामना गर्दैछ।
खेल युएईको अजमानमा दिउँसो सवा तीन बजे हुनेछ। यसअघिको पाँच खेलमध्ये नेपाल चार खेलमा विजयी भएको छ। यु१९ महिला टी२० विश्वकप जित्नको लागि नेपालले आजको खेज जसरी पनि जित्नैपर्ने हुन्छ।
पहिलो खेलमा थाइल्यान्डलाई ६७ रनको पराजित गरेको नेपालले दोस्रो खेलमा कुवेतलाई १०८ रनले हराएको थियो।
यस्तै तेस्रो खेलमा युएईसँग पराजित भएको नेपालले चौथो खेलमा थाइल्यान्ड र पाँचौं खेलमा कुवेतलाई क्रमशः १०६ र १६५ रनले पराजित गरेको थियो।
चार राष्ट्र सहभागी प्रतियोगिताको तालिकाको शीर्ष स्थानमा रहने टोलीले मात्र विश्वकपमा स्थान बनाउनेछ। त्यसकारण पनि नेपालले आज युएईलाई जसरी पनि हराउनै पर्ने दबाब छ।
कात्तिक २७, २०८१ बुधबार ०७:५४:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
