गठबन्धन ८४ सम्मै जाने देउवाको दाबी, सहकारी प्रकरणबारे पनि बोले
२ दिन अघि
फाइल तस्बिर
धनगढी : नेपाली कांग्रेसका सभापति शेरबहादुर देउवाले वर्तमान कांग्रेस-एमालेको गठबन्धन सरकार २०८४ सम्मै जाने दाबी गरेका छन्।
धनगढी विमानस्थलमा पत्रकारसँग संक्षिप्त कुरा गर्दै पूर्वप्रधानमन्त्रीसमेत रहेका देउवाले वर्तमान गठबन्धनमा कुनै समस्या नरहेकाले यो पूरै कार्यकाल टिक्ने बताए।
सहकारी प्रकरणका विषयमा सोधिएको प्रश्नमा देउवाले भन्नुभयो, ‘हाम्रा साथीलाई मुद्दा लाग्दा हामीले कहिल्यै होहल्ला गरेनौँ, यो अदालती प्रक्रियामा छ।’
देउवा गृह जिल्ला डडेल्धुराका विभिन्न कार्यक्रममा सहभागी हुन जाने क्रममा आज धनगढी पुगेका हुन्।
कांग्रेस सुदूरपश्चिम प्रदेश कार्यसमितिका प्रवक्ता सुरत रावतले सभापति देउवा पार्टीको जिल्ला कार्यसमिति बैठक, पालिका स्तरीय भेटघाट, उग्रतारामा लाग्ने मेला, गन्यापधुरा गाउँपालिकामा हुने कार्यक्रममा सहभागी हुने जानकारी दिए।
कात्तिक २४, २०८१ आइतबार १४:०३:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
