हेटौंडा-१२ को अध्यक्षमा राप्रपाबाट प्रेम लामा ब्लोन उम्मेदवार
मकवानपुर : राष्ट्रिय प्रजातन्त्र पार्टी राप्रपा मकवानपुरले हेटौंडा उपमहानगरपालिका वडा नम्बर १२ को अध्यक्षको लागि प्रेम लामा ब्लोनलाई उम्मेदवार बनाएको छ।
हेटौंडा उपमहानगरपालिका वडा नम्बर १२ को वडा अध्यक्षका लागि १६ मंसिरमा उपचुनाव हुनेछ।
आइतबार नगर र जिल्ला कार्यसमितिको बैठकले प्रेम लामा ब्लोनलाई वडा अध्यक्षको उम्मेदवार घोषणा गरेका हुन्।
हेटौंडा उपमहानगरपालिका-१२ का ब्लोन विभिन्न सामाजिक कार्यहरूमा पनि सहभागिता जनाउँदै आइरहेको राप्रपा नगर अध्यक्ष अरुण लामाले जानकारी दिए।
रिक्त पदमा राप्रपाले जित्ने नगर अध्यक्ष अरुण लामाको दाबी छ।
कात्तिक २५, २०८१ आइतबार १०:४१:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
