नेपालले युएईविरुद्ध टस हार्यो
काठमाडौं : युएईमा जारी यु १९ महिला टी२० विश्वकपको एसिया छनोट अन्तर्गत नेपालले घरेलु टोलीविरुद्ध टस हारेको छ।
युएईको अजमानमा घरेलु टोलीकी कप्तानले टस जितेर ब्याटिङ रोजेकी छिन्। युएईले पहिले ब्याटिङ रोजेसँगै नेपालले बलिङको निम्तो पाएको हो।
नेपाल र युएई दुवैको यो तेस्रो खेल हो। दुवै टोलीले थाइल्याण्ड र कुवेतमाथि फराकिलो जित हासिल गरेका थिए।
नेपालले पहिलो खेलमा थाइल्याण्डलाई ६७ रन र दोस्रोमा कुवेतलाई १ सय ८ रनको फराकिलो अन्तरले पराजित गरेको थियो।
उता, युएईले पहिलो खेलमा कुवेतलाई १ सय ६ रन दोस्रोमा थाइल्याण्डलाई ७४ रनले पराजित गरेको थियो।
कात्तिक २४, २०८१ शनिबार ११:१९:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
