दुई महिनापछि स्वदेश फर्कियो नेपाली राष्ट्रिय क्रिकेट टोली

काठमाडौं : नेपाली राष्ट्रिय क्रिकेट टोली करिब दुई महिनाको क्यानडा र अमेरिका भ्रमण पछि बिहीबार स्वदेश फर्किएको छ।

क्रिकेट टोलीलाई नेपाल क्रिकेट संघ(क्यान)का पदाधीकारीहरुले त्रिभुवन अन्तर्राष्ट्रिय विमानस्थलमा स्वागत गरे।

अमेरिका र क्यानडामा रहँदा नेपालले दुई वटा त्रिकोणात्मक ओडिआई सिरिज, एक त्रिकोणात्मक टि-२० सिरिज तथा अमेरिकासँग तीन टि-२० आई सिरिज खेलेको थियो।

भदौ २५ गते क्यानडा गएको नेपालले त्यहाँ ओमान र घरेलु टोलीसँग लिग टु अन्तर्गतको ओडिआई सिरिज खेलको थियो। त्यसपछि भएको त्रिकोणात्मक टि-ट्वान्टी सिरिजमा दोस्रो भएको थियो।

क्यानडा भ्रमण सकाएर अमेरिका गएको नेपाली टोलीले अमेरिकाविरुद्धको तीन खेलको टी-२० आई सिरिज क्लिन स्विप गरेको थियो।

त्यसपछि घरेलु टोली र स्कटल्याण्डसँग भएको त्रिकोणात्मक ओडिआई सिरिजमा २ मा पराजित नेपाल १ जित र १ खेल रद्द हुँदा ३ अंक पाउन सफल भयो।

कात्तिक २२, २०८१ बिहीबार १३:३३:३८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।