कर्पोरेट ग्राहकले नेपाल टेलिकमको मल्टिपल टिभी जडान गर्न सक्ने
काठमाडौं : नेपाल टेलिकमले कर्पोरेट ग्राहकहरूको मागलाई ध्यानमा राखी मल्टिपल टिभी जडान गर्ने व्यवस्था गरेको छ।
यस अन्तर्गत चार वटा वा सोभन्दा बढी एनटीटिभी जडान गर्ने कर्पोरेट ग्राहकहरूले सहुलियत दरमा बेसिक तथा प्रिमियम प्याकेजहरू खरिद गर्न सक्नेछन्।
चारदेखि १० वटा टिभी जडान गर्ने ग्राहकले प्रति सेटअप बक्स दुई हजार नौ सय ३८ रुपैयाँमा १ वर्ष वारेन्टी सहित खरिद गर्न सक्नेछन्।
यस्तै ११ वटा भन्दा बढी एनटीटिभी जडान गर्ने ग्राहकले प्रति सेटअप बक्स दुई हजार आठ सय २५ रुपैयाँमा १ वर्ष वारेन्टी सहित खरिद गर्न सक्नेछन्।
यसबारे थप जानकाकारीका लागि १९८ मा कल गरेर वा नजिकै रहेको नेपाल टेलिकमको कार्यालयमा गएर बुझ्न सकिने प्रवक्ता हरि ढकालले जानकारी दिए।
कात्तिक २१, २०८१ बिहीबार १०:१३:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
