पिकनिक खान गएका २८ जना सवार गाडी सुर्खेतमा दुर्घटना, ३ जनाकाे अवस्था गम्भीर

सुर्खेत : सुर्खेतमा पिकनिक खान गएका २८ जना सवार गाडी दुर्घटनामा परेको छ। बुधबार दिउँसो पुर्वी सुर्खेतकाे भेरीगंगा नगरपालिका रामघाटबाट पिकनिक खान वीरेन्द्रनगरको कटकुवा गएर फर्किँदै गरेको गाडी साँझ ७:३० बजे गाडी दुर्घटनामा परेको हो। 

जिल्ला प्रहरी कार्यालय सुर्खेत प्रवक्ता डिएसपी बिरेन्द्र बिर विश्वकर्माका अनुसार कर्णाली प्रदेश ०२००१ ख १८८ नम्बरको फोर्स गाडी वीरेन्द्रनगरको कपासे नजिकै रहेको नेपाली सेनाको गेट अगाडि दुर्घटना भएको हाे। 

गाडीमा २८ जना सवार रहेको र ती सबै घाइते भएको डिएसपी विश्वकर्माले बताए। 

'२८ जना सवार गाडीमा सबै घाइते नै छन्, उनले भने, 'घाइतेमध्ये तीन जनाको अवस्था गम्भीर छ। सबैकाे कर्णाली प्रदेश अस्पताल सुर्खेतमा उपचार भइरहेको छ।'

कपासे नेपाली सेनाको मोडबाट खानेपानी ट्यांकीतर्फ खसेको हो। 

कात्तिक २१, २०८१ बुधबार २१:०९:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।