बागलुङमा बस दुर्घटना हुँदा २१ जना घाइते, थप विवरण आउन बाँकी
बागलुङ : बागलुङमा आज बस दुर्घटना हुँदा २१ जना घाइते भएका छन्। रूकुमदेखि काठमाडौँका लागि छुटेको ना८ख ८४१४ नम्बरको बस बागलुङको निसीखोला गाउँपालिका-६ जाउलेपानीमा दुर्घटनामा परेको हो।
दुर्घटनामा परेका सबै घाइतेलाई बुर्तिबाङ प्राथमिक केन्द्र बागलुङमा ल्याइएको जिल्ला प्रहरी कार्यालय बागलुङका इन्स्पेक्टर सुनिल शर्मा चिलवालले जानकारी दिए। गाडीमा ४० यात्रु सवार रहेको उनले बताए।
हाल प्रहरी र स्थानीयले उद्धार गरिरहेको छ। इन्स्पेक्टर शर्माका अनुसार बुर्तिबाङबाट थप प्रहरी पठाइएको छ।
थप विवरण आउन बाँकी रहेको प्रहरीले जनाएको छ।
कात्तिक २१, २०८१ बुधबार १८:३१:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
