महिला यु-१९ विश्वकप क्रिकेट छनोट : पहिलो खेलमा नेपालले थाइल्याण्डविरूद्ध ब्याटिङ गर्दै

काठमाडौं : आइसीसी यु-१९ महिला टी-२० विश्वकपको एसिया छनोटअन्तर्गत अहिले नेपालले थाइल्याण्डविरूद्ध ब्याटिङ गरिरहेको छ। थाइल्याण्डले टस जितेर फिल्डिङ राजेपछि नेपालले ब्याटिङ गर्न पुगेको हो।  

आजदेखि सुरू छनोटको खेलमा नेपालले आजै थाइल्यान्डको सामना गर्दैछ। युएईको अजमानस्थित द सेभेन डिस्ट्रिक्ट स्टेडियममा नेपाल र थाइल्यान्डबीचको खेल नेपाली समयनुसार दिउँसो ३ः१५ मा हुनेछ। 

युनाइटेड अरब इमिरेट्स (युएई) मा भइरहेको प्रतियोगिता यही कात्तिक २८ सम्म चल्ने छ। प्रतियोगितामा नेपालसहित युएई, कुवेत र थाइल्यान्ड सहभागी छन्। 

प्रत्येक टोलीले एकअर्कासँग दुई दुई खेल खेल्ने छन्। नेपालले आफ्नो दोस्रो खेल यही कात्तिक २२ मा कुवेतसँग खेल्ने छ। 

प्रतियोगितामा शीर्ष स्थानमा रहने टोलीले सन् २०२५ मा मलेसियामा हुने आइसीसी यु-१९ महिला टी-२० विश्वकपमा स्थान बनाउनेछ। 

एसिया छनोट खेलिरहेको नेपाली टोलीमा पूजा महतो (कप्तान), सोनी पाख्रिन (उपकप्तान), ज्योत्सिन्का मरासिनी, कृश्मा गुरुङ, सावित्री धामी, साना प्रवीण, कुसुम गोदार, सीमा केसी, एलिसाकुमारी यादव, मनिषाकुमारी उपाध्याय, रिया शर्मा, स्नेहा महरा, रचनाकुमारी चौधरी र तृष्णा विश्वकर्मा छन्। 

कात्तिक २१, २०८१ बुधबार १६:०५:४६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।