टीभीएसको बाइक खरिदमा उतीमलालले जिते १० लाख

काठमाडौं : टीभीएसको बाइक खरिद गर्दा जनकपुरका उतीमलाल साहले नगद १० लाख पाँच हजार रुपैयाँ जितेका छन्।

नेपालीहरूको महान चाड दशैं, तिहार र छठका अवसरमा टीभीएसद्वारा आयोजित ‘टीभीएससँग नयाँ युगको आरम्भ २०२४’ उपहार योजना अन्तर्गत साहले बाइक खरिद गर्नु अघि पाँच हजार र खरिदपछि १० लाख रुपैयाँ जित्न सफल भएका छन्।

साहका साथै, महा एक्सचेन्ज मेला, भृकुटीमण्डपमा टीभीएसको सवारी साधन खरिद गर्दा टेकराज गुरुङले पाँच लाख पाँच हजार जित्न सफल भएका छन्। उनले खरिदअघि पाँच हजार र खरिदपछि पाँच लाख जित्न सफल भएका हुन्।

महा एक्सचेन्ज मेला, भृकुटीमण्डपमै टीभीएसको सवारी साधन खरिद गरेका प्रकाश अधिकारीले सवारी साधनको खरिदमा ५० प्रतिशत क्यासब्याक र खरिदअघि पाँच हजार रुपैयाँ जित्न सफल भएको जानकारी दिइएको छ।

त्यसैगरी, बागेश्वरी अटोमोटिभ्स, धनगढीमा टीभीएसको सवारी साधन खरिद गरेका सञ्जित चौधरीले २५ प्रतिशत क्यासब्याक र खरिदअघि पाँच हजार रुपैयाँ जित्न सफल भएको प्रेस विज्ञप्तिमा उल्लेख गरिएको छ।

साथै ‘टीभीएससँ नयाँ युगको आरम्भ २०२४’ उपहार योजना अन्तर्गत हालसम्म दुई जनाले नगद एक लाख रुपैयाँ, चार जनाले ५० हजार रुपैयाँ, १० जनाले नगद २५ हजार रुपैयाँ, १५ जनाले १५ हजार रुपैयाँ र १८ जनाले नगद पाँच हजार रुपैयाँ जित्न सफल भएका हुन्।

नेपालमा दुईपाङ्ग्रे सवारी साधनको क्षेत्रमा अग्रणी ब्रान्ड टीभीएसले उपहार योजना अन्तर्गत टीभीएसको नेपाल भर रहेका अधिकारिक विक्रेता मार्फत टीभीएसका सवारी साधन खरिद गरेका उपभोक्ताहरु मध्य नगद उपहार जित्न सफल भाग्यशाली विजेताहरुको घोषणा गरेको हो।

कात्तिक २०, २०८१ बुधबार ०८:५७:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।