ब्रेक फेल भएको बस अर्घाखाँचीमा दुर्घटना हुँदा एक महिलाको मृत्यु, देउसी खेल्ने आठ जना घाइते
अर्घाखाँची : अर्घाखाँचीको भूमिकास्थान नगरपालिकास्थित जयठाटीमा बस दुर्घटना हुँदा एक जनाको मृत्यु भएको छ भने आठ जना घाइते भएका छन्।
वडा नम्बर ५ र ६ को सिमाना पर्ने जयठाटीमा सोमबार साँझ ५ बजे देउसी भैलो खेल्दै नाचिरहेको स्थानमा ब्रेक फेल भएको ना ३ ख २४७१ नम्बरको बस दुर्घटना भएको थियो।
बसले भैलो खेलिरहेकाहरूलाई ठक्कर दिँदा एक जना महिलाको घटनास्थलमै मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिए।
प्रहरी र स्थानीयले घाइतेहरूको उद्धार गरेका थिए। घाइतेलाई अर्घाखाँची अस्पतालमा उपचारका लागि पठाइएको र घटनाको अनुसन्धान भइरहेको मल्लले बताए।
कात्तिक १९, २०८१ सोमबार १८:५६:३८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
