बाँकेमा मोटरसाइकल दुर्घटना : एक जनाको मृत्यु, एक जना घाइते
राँझा : बाँकेकाे नेपालगन्जमा गए राति भएको मोटरसाइकल दुर्घटनामा एक जनाको मृत्यु भएको छ। एक जना गम्भीर घाइते भएका छन्।
नेपालगन्ज उपमहानगरपालिका-४ बसपार्क बाइपास रोड नजिक भे६प ८०२ नम्बर र ज३प ७१७१ नम्बरको मोटरसाइकल एकापसमा ठोक्किँदा नेपालगन्ज-६ का २६ वर्षीय अमनकुमार कसौधनको मृत्यु भएको जिल्ला ट्राफिक प्रहरी कार्यालयका प्रमुख प्रहरी निरीक्षक पुष्कर पन्तले जानकारी दिए।
उनका अनुसार उक्त दुर्घटनामा नेपालगन्ज-११ का १८ वर्षीय एहसान शेख गम्भीर घाइते भएका छन्। घाइते शेखको उपचार नेपालगन्जस्थित भेरी अस्पतालमा हुन नसकेपछि थप उपचारका लागि भारतको लखनऊ प्रेषण गरिएको छ।
दुर्घटनामा गम्भीर घाइते भएका दुवै मोटरसाइकल चालकलाई उपचारका लागि शिक्षण अस्पताल नेपालगन्ज लगिएकामा चिकित्सकले कसौधनलाई गए राति नै मृत घोषणा गरेका थिए।
लखनऊ प्रेषण गरिएका गम्भीर घाइते शेखको मुख, आँखा र शरीरको भित्री भागमा चोट लागेकाले प्रमुख पन्तले बताए।
कात्तिक १९, २०८१ सोमबार १०:२१:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
