लिग टु क्रिकेट : अमेरिकाविरुद्ध टस जितेर नेपालले बलिङ रोज्यो
काठमाडौं : नेपालले टस जितेर बलिङ रोजेको छ। आईसीसी क्रिकेट विश्वकप लिग टु अन्तर्गत अमेरिकामा भइरहेको सिरिजको आफ्नोतर्फको तेस्रो खेलमा उसले टस जितेर बलिङ रोजेको हो।
अमेरिकाको डालासस्थित ग्राण्ड प्रेरी स्टेडियममा हुने खेलमा नेपालले अमेरिकालाई पहिले ब्याटिङको निम्तो दिएको हो।
पहिलो खेलमा नेपाल अमेरिकासँग ३ विकेटले पराजित भएकोमा स्कटल्याण्डलाई ५ विकेटले पराजित गरेको थियो। स्कटल्याण्ड विरुद्ध खेलेकै टोलीलाई अमेरिका विरुद्धको खेलमा निरन्तरता दिइएको छ ।नेपाली टोली पहिलो खेलमा व्यहोरेको हारको बदला लिने लक्ष्यमा देखिन्छ।
कात्तिक १६, २०८१ शनिबार २१:२५:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
