फ्रान्स उडिन् साम्बा, बिदाइमा पुगेनन् एन्फाका कुनै पनि प्रतिनिधि
काठमाडौं : नेपाली राष्ट्रिय महिला टोलीकी मुख्य सदस्य साबित्रा भण्डारी ‘साम्बा’ व्यावसायिक फुटबलका लागि फ्रान्स उडेकी छन्।
साफ महिला च्याम्पिनसिपको फाइनल खेल सकिएको १२ घण्टा पनि नबित्दै उनी व्यावसायिक फुटबलका लागि फ्रान्स प्रस्थान गरेकी हुन्।
फ्रान्स फर्कँदै गर्दा साम्बाले नेपाली महिला टोलीको समर्थकलाई धन्यवाद दिँदै आगामी दिनमा पनि त्यत्तिकै माया गरिदिन आग्रह गरिन्।
फाइनलमा उपाधि जित्दाको खुसी दिन नसके पनि आगामी सिजनका लागि थप सुधार गर्दैै लैजाने प्रतिबद्धता व्यक्त गरिन्।
साफ महिला च्याम्पियनसिपको नेपालको पहिलो खेलमा उपस्थित हुन नसकेकी उनले दोस्रो खेलमा उपस्थित भए पनि फिजियोले नखेल्न सुझाव दिएसँगै उनले दोस्रो खेल पनि खेलेकी थिइनन्।
उनलाई बिदाइ गर्न एन्फाका कुनै पनि प्रतिनिधि विमानस्थलमा उपस्थित भएका थिएनन्।
कात्तिक १५, २०८१ बिहीबार ०९:०६:१७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
