बंगलादेशसँग स्तब्ध नेपाल
काठमाडौं : साफ वुमन च्याम्पियनसिपमा नेपालविरुद्ध बंगलादेशले जित निकालेको छ।
दशरथ रंगशालामा भएको खेलमा नेपाल २-१ गोलले नेपाल बंगलादेशसँग पराजित भएको हो।
पहिलो हाफ गोलरहित बराबरीमा सकिएको खेलमा बंगलादेशले ५२ औं मिनेटमा अग्रता लिएको थियो। बंगलादेशकी मोनिका चक्माले गोल गरेकी थिइन्।
तर, त्यसको ४ मिनेटपछि नेपालले गोल फर्कायो। नेपालकी अमिसा कार्कीकी गोल गर्दै खेललाई बराबारीमा पुर्याइन्।
खेलको ८० औं मिनेटमा बंगलादेशले नेपाललाई अर्को गोल थप्दै २-१ गोलले पछि पार्यो।
बंगलादेशका खेलाडीले प्रहार गरेको बल नेपाली गोलकिपर एन्जिला तुम्बापोले पञ्च गरेर क्लियर गर्न खोज्दा आफ्नै पोस्टमा छिरेको थियो।
कात्तिक १४, २०८१ बुधबार २०:३६:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
