साफ वुमन च्याम्पियनसिप फाइनल : नेपाल-बंगलादेशको पहिलो हाफ गोलरहित बराबरी
काठमाडौं : साफ वुमन च्याम्पियनसिप २०२४ को फाइनलमा अहिले भइरहेको नेपाल र बंगलादेशबीचको खेलको पहिलो हाफ गोलरहित बराबरीमा सकिएको छ।
त्रिपुरेश्वरस्थित दशरथ रंगशालामा भरिभराउ दर्शकको माझ भइरहेको खेलमा दुवै टोलीले पहिलो हाफमा गोल गर्न सकेनन्।
खेलको सुरूदेखि नै बंगलादेशले आक्रामक फुटबल खेल्दै नेपालमाथि दबाब बनाएको थियो। तर, नेपालले पनि बंगलादेशमाथि दबाब राख्न कम मिहिनेत गरेको छैन।
फेरिपनि यी दुवै टोलीले गोल गर्न सकेनन्।
पहिलो हाफमा दुवै टोलीले गोलका लागि पटकपटक प्रयास गरेका थिए। तर, गोल भने हुन सकेन।
पहिलो हाफमा दुवै टोलीले गोलको राम्रो अवसर सदुपयोग गर्न सकेनन् ।
कात्तिक १४, २०८१ बुधबार १९:२५:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
