अमेरिकी राष्ट्रपति निर्वाचनको प्रचार अन्तिम चरणमा, टम्पले दोहोर्याए अमेरिका फर्स्ट’को नारा
एजेन्सी : अमेरिकी राष्ट्रपति निर्वाचनको प्रचारप्रसार अहिले लगभग अन्तिम चरणमा पुगेको छ।
उनको चुनावी अभियानलाई ध्यानमा राख्दै रिपब्लिकन पार्टीका उम्मेदवार तथा पूर्व अमेरिकी राष्ट्रपति डोनाल्ड ट्रम्पले न्यूयोर्कमा ठूलो र्याली गरेका छन्।
र्यालीमा सम्बोधन गर्दै रिपब्लिकन उम्मेदवारले आफ्नो पुरानो नारा ‘अमेरिका फर्स्ट’ दोहोर्याए ।
सन् २०१६ मा ट्रम्प पहिलो पटक राष्ट्रपति बनेपछि उनले ‘अमेरिका फर्स्ट’को नारा दिएका थिए।
यसबाहेक ट्रम्पले सन् २०२० को अमेरिकी चुनाव पनि यही नाराका साथ लडेका थिए।
आफ्नो सम्बोधनमा ट्रम्पले अमेरिकालाई सुरक्षित, स्वच्छ र सुन्दर बनाउने वाचा गरेका थिए। उनले अमेरिकी बालबालिकालाई देशको झण्डाको सम्मान गर्न सिकाउने पनि बताए।
अमेरिकीहरूलाई बन्दुक राख्ने अधिकार दिने अमेरिकी संविधानको दोस्रो संशोधन पनि खतरामा रहेको ट्रम्पले बताएका छन्।
उनले र्यालीमा उपस्थित भीडलाई ‘के विपक्षमा हुनुहुन्छ?’ भनेर सोधेका थिए जसको जवाफमा भीडले ‘होइन’ भन्ने जवाफ फर्काएका थिए।
कात्तिक १२, २०८१ सोमबार ०७:४४:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
