यसपालिको तिहारमा ३८ करोड रूपैयाँ बराबरको माला खपत हुनसक्छ
काठमाडौं : यसपालिको तिहारमा ३८ करोड रूपैयाँ बराबरको फूलको माला खपत हुने अनुमान गरिएको छ। फ्लोरिकल्चर एसोसिएसनका अनुसार सयपत्री, मखमली र गोदावरी गरेर उक्त मूल्य बराबरको माला खपत हुने अनुमान छ।
एसोसिएसनका निवर्तमान अध्यक्ष मीनबहादुर तामाङले तिहारबेला प्रत्येक बर्ष फूल र मालाको माग १० प्रतिशतले बढ्दै गएको बताए। यसबर्ष ४५ लाख माला खपत हुने उनको अनुमान छ।
तिहारमा काठमाडौं उपत्यकाभित्र ६० प्रतिशत र बाहिरी जिल्लामा ४० प्रतिशत माला खपत हुने साथै ४० प्रतिशत विदेशबाट आयात गर्नुपर्ने अवस्था रहेको जानकारी दिए।
पुष्प व्यवसायमा नेपाल ९० प्रतिशत आत्मनिर्भर भए पनि तिहारका बेला बजारमा बढी माला खपत हुँदा आयात हुने गर्छ।
कात्तिक ६, २०८१ मंगलबार १४:३०:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
