सुदूरपश्चिम रोयल्समा स्कटल्यान्डका दायाँ हाते ब्याटर मक्मलेनले अनुबन्ध
काठमाडौं : सुदूरपश्चिम रोयल्सले नेपाल सुपर लिग (एनपिएल)का लागि स्कटल्यान्डका अलराउन्डर ब्रान्डन मक्मलेनलाई अनुबन्ध गरेको छ। सुदूरपश्चिम रोयल्सले एनपिएलका लागि अनुबन्ध गरेको मक्मलेन पहिलो विदेशी खेलाडी हुन्।
दायाँ हाते ब्याटर मक्मलेनले स्कटल्यान्डबाट १६ टी-२० आईमा ६ अर्धशतकसहित ४ सय ९७ रन बनाएका छन्। उनले सन् २०२३ मा जर्मनीविरूद्ध खेल्दै टी-२० आईमा डेब्यु गरेका थिए। उनी स्कटल्याण्डको ओडिआई टोलीको पनि सदस्य हुन्।
२२ ओडिआईमा उनले २ शतक र २ अर्धशतकसहित ७ सय २१ रन बनाएका छन्।
सुदूरपश्चिम रोयल्सले यसअघि अस्ट्रेलियाका विश्वकप विजेता पूर्वक्रिकेटर ब्राड हजलाई आफ्नो प्रमुख मेन्टर नियुक्त गरिसकेको छ। दीपेन्द्र सिंह ऐरी मार्की खेलाडी रहेको सुदूरपश्चिम रोयल्सको मुख्य प्रशिक्षकमा जगत टमाटा छन्।
सुदूरपश्चिम रोयल्समा ओलम्पियन दीपक विष्ट ब्रान्ड एम्बेसडर र केपी खनाललाई सोसियल एक्टिभिस्ट एम्बेसडर हुन्।
कात्तिक ४, २०८१ सोमबार १७:२४:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
