१७ हजार कर्मचारी हटाउने बाेइङको निर्णय

एजेन्सी : हवाइजहाज निर्माण कम्पनी बोइङले आफ्ना १० प्रतिशत कर्मचारी हटाउने निर्णय गरेको छ।

कम्पनीको यो निर्णयका कारण करिब १७ हजार कर्मचारीले जागिर गुमाउने छन्। बोइङको यो निर्णयले यसको उत्पादनमा पनि ढिलाइ हुने बताइएको छ।

वास्तवमा, कम्पनीले हाल व्यवसायसँग सम्बन्धित धेरै समस्याहरूको सामना गरिरहेको छ।

बोइङका प्रमुख कार्यकारी केली ओर्टबर्गले कर्मचारीहरूलाई इमेलमार्फत कार्यकारी, प्रबन्धक र कर्मचारीको जागिर जोखिममा रहेको बताएकी छन्।

बोइङले आफ्नो हतियार र सैन्य उपकरण निर्माण व्यवसायमा घाटा हुने चेतावनी पनि दिएको छ। साथै, कम्पनीले आफ्नो नयाँ प्लेन ७७७एक्सको डेलिभरी मितिलाई समेत पछि सारेको छ।

कम्पनीले अहिले कर्मचारी हडताल र आफ्ना विमानहरूको गुणस्तरसँग सम्बन्धित समस्याहरूको सामना गरिरहेको छ।

कम्पनीका प्रमुख कार्यकारी ओर्टबर्गले पनि आफ्नो इमेलमा कम्पनीले आगामी महिनाहरूमा कर्मचारीहरूलाई हटाउने कार्य जारी राख्ने बताएको छ।

असोज २५, २०८१ शनिबार ०७:५१:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।