पुण्य गौतम गम्भीर घाइते, रड हान्ने भेटिएनन्
काठमाडौं : युट्युबहरूमा उत्तेजक अभिव्यक्ति दिँदै आएका पुण्य गौतमलाई उनको घर नजिकै रड प्रहार भएको छ।
सोमबार बेलुकी सवा ९ बजे काठमाडौंको गोकर्णेश्वर नगरपालिका वडा नम्बर ८ बेसीगाउँमा रहेको उनको घर जानेबेलामा घर अगाडिको बाटोमा गौतममाथि रड प्रहार भएको हो।
टाउकोमा रड लागेर गम्भीर घाइते भएका गौतमको नेपाल मेडिकल कलेज अत्तरखेलमा उपचार भएको थियो। उनको टाउकोमा चोट लागेको छ।
जिल्ला प्रहरी परिसर काठमाडौं र प्रहरी वृत्त बौद्धको प्रहरी टोलीले घटनाबारे अनुसन्धान गरिरहेको जानकारी दिएपछि आक्रमणमा संलग्नको पहिचान हुन सकेको छैन।
असोज २१, २०८१ मंगलबार १३:१२:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
