लेबनानमा रातभरी इजरायलको बमबारी

एजेन्सी : लेबनानमा इजरायलको बमबारी जारी छ। इजरायली सेनाले शनिबार राति अबेरसम्म लेबनानमा बमबारी जारी राखेको थियो।

शनिबार राति, इजरायलले लेबनानको राजधानी बेरुतको दक्षिणी क्षेत्रमा तीस भन्दा बढी हवाई हमला गरेको थियो।

बेरुतको दक्षिणी क्षेत्रमा हिजबुल्लाहको बलियो उपस्थिति रहेको मानिन्छ। यी हवाई हमलाका क्रममा बेरुतका धेरै क्षेत्रमा आगो र धुवाँको ठुलो बादल उठेको देखियो।

धेरै भिडियोहरूमा लगातार विस्फोटका कारण बेरुतमा मानिसहरू यहाँबाट उता दौडिरहेको देख्न सकिन्छ।

बीबीसी संवाददाताका अनुसार इजरायलले लेबनानका पेट्रोल पम्प वा हतियारको आधारमा आक्रमण गरेको छ।

इजरायल डिफेन्स फोर्स (आईडीएफ)ले इजरायली शहर किरियत शमोनालाई लक्षित गरी हिजबुल्लाहले ३० रकेट प्रहार गरेको जनाएको छ। तर, अधिकांश क्षेत्र खाली गरिसकिएको छ।

जबकि हिजबुल्लाहले इजरायली सेनाले लेबनानको एउटा गाउँमा घुसपैठ गर्ने प्रयास गरिरहेको बताएको छ, जसलाई उनीहरूले पछि निष्कासित गरे।

हालै एक हमलामा हिजबुल्लाह नेता हसन नसरल्लाहको मृत्यु भएपछि इरानले पनि इजरायलमा धेरै रकेट प्रहार गरेको थियो। इजरायलले यमनमा हुथी विद्रोहीमाथि पनि बमबारी गरेको छ।

असोज २०, २०८१ आइतबार १३:५०:४६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।