क्यानडाको दोस्रो राेजाइको टोलीसँग पनि हार्यो नेपाल, अनिल शाहले लिए चार विकेट
काठमाडौं : क्यानडाको दोस्रो रोजाइको टोली हाइप्रोफेमेन्स (एचपी)सँग पनि नेपाल तीन विकेटले पराजित भएको छ।
१४४ रनको लक्ष्य एचपीले ३६.५ ओभरमा ७ विकेट गुमाउँदै पूरा गर्यो। उसका लागि युवराज शर्माले ५६ बलमा ४४ रन बनाए।
अलि नदिम १४, शुभम शर्मा २९, अजयविर सिंह ९, ओलिभर कक्स १६ र गर्नेक जोहालले १७ रन बनाए।
नेपालका अनिल साहले १० ओभरमा १ मेडनसहित २४ रन खर्चेर ४ विकेट लिए। सोमपाल कामी, रिजन ढकाल र ललित नारायण राजवंशीले १-१ विकेट लिए।
त्यसअघि टस जितेर पहिला ब्याटिङ रोेजेको नेपाल ३९.४ ओभरमा १४३ रनमा अल आउट भयो।
नेपालका अनिल कुमार साहले ४९ बलमा ४ चौका र १ छक्कासहित ३४ रन बनाए। अर्जुन साउदले ७२ बलमा ४ चौकासहित ३३ रन जोडे।
देव खनाल डक, भीम सार्की ६, आरिफ शेख २३, कुशल भुर्तेल २५, गुल्सन झा डक, कुशल मल्ल ७ रनमा आउट भए।
एचपीका शाहिद अहमादजाईले ७.४ ओभरमा १ मेडनसहित २७ रन खर्चेर ५ विकेट लिए।
नेपाल आईसीसी विश्वकप लिग २ अमेरिका खेल्न जानुअघि तयारीको स्वरुप क्यानडा दोस्रो रोजाइको टोलीसँग अभ्यास खेल खेलेको हो।
असोज १९, २०८१ शनिबार ०८:४८:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
