बाढीपहिरोमा परि मृत्यु हुनेको संख्या ३२ पुग्यो, काठमाडौंमा १० जना घाइते हुँदा ५८९ जनाको उद्धार
काठमाडौं : अविरल वर्षापछिको बाढी पहिरोमा परी शनिबार दिउँसो २ बजेसम्म काठमाडौं उपत्यकाका ३ जिल्लामा मात्रै ३२ जनाको मृत्यु भएको गृहमन्त्रालयले जनाएको छ।
काठमाडौंमा ११, ललितपुरमा १६ र भक्तपुरमा ५ जनाको मृत्यु भएको मन्त्रालयले उपलब्ध गराएको तथ्यांकमा उल्लेख छ।
काठमाडौंमा १० जना घाइते हुँदा ५८९ जनाको उद्धार गरिएको छ। ललितपुरमा ५ जना घाइते हुँदा ४१६ जनाको उद्धार गरिएको गृहमन्त्रालयको भनाइ छ।
भक्तपुरमा २ जना घाइते हुँदा ४८ जनाको उद्धार गरिएको छ।
उद्धारका लागि ४ हजार ५१० जना सुरक्षाकर्मी परिचालन गरिएको गृहमन्त्रालयले जनाएको छ।
असोज ११, २०८१ शनिबार १६:०१:५० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
