बाजुरामा चट्याङ लागेर ६० वर्षीय पुरूषको मृत्यु
काठमाडौं : बाजुरामा चट्याङ लागेर एक वृद्धको मृत्यु भएको छ।
मृत्यु हुनेमा बुढीगङ्गा नगरपालिका-४ बागेगाउँका ६० वर्षीय खम्म कटुवाल छन्।
जिल्ला प्रहरी कार्यालयका सूचना अधिकारी जनक बोहराका अनुसार चट्याङ लागेर कटुवालको घटनास्थलमै मृत्यु भएको हो।
चट्याङ लागेर गौमुल गाउँपालिका-४ की ४० वर्षीया साउनी रोकाया घाइते भएकी छिन्।
उनको जिल्ला अस्पतालमा उपचार भइरहेको छ।
चट्याङ लागेर रोकायाका चार बाख्रासमेत मरेका प्रहरीले जनाएको छ।
असोज ९, २०८१ बुधबार १६:५८:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।