भायनेटको ‘महामहोत्सव’ : २०० एमबीपीएसको इन्टरनेट ८९९९ मा, टीभी-फ्रिज खरिदमा २८ प्रतिशत छुट

काठमाडौं : इन्टरनेट सेवाप्रदायक कम्पनी भायनेट कम्युनिकेसनले चाडपर्वको अवसरमा ‘भायनेट महामहोत्सव’ अफर सार्वजनिक गरेको छ।

कम्पनीले ग्राहकहरूका लागि थप स्पिड, बचत र रोमाञ्चकतासहित अफरलाई आकर्षक बनाएको छ। अफर योजनाअन्तर्गत ग्राहकले १२५ एमबीपीएसको सट्टा सोही मूल्यमा २०० एमबीपीएस स्पिड प्राप्त गर्ने बताइएको छ। 

वार्षिक आठ हजार ९९९ रुपैयाँमा भायनेटले आफ्ना अहिलेका १२५ एमबीपीएस सब्स्क्राइब गर्ने ग्राहकलाई २०० एमबीपीएसमा अपग्रेड गरिसकेको बताएको छ। यसबाहेक भायनेटले ग्राहकको घरभरी वाइफाइ कभरेज बढाउनलाई जेटटीईको मेस वाइफाइमा अफर ल्याएको बताइएको छ।

यसअन्तर्गत मेस वाइफाइ राउटरमा एक सेटकै मूल्यमा दुई सेट पाउन सकिने भएको छ।

यसका लागि मात्र भ्याटसहित थप तीन हजार रुपैयाँ तिर्नुपर्ने कम्पनीले जनाएको छ। मेस अफर भायनेटका २०० एमबीपीएस वा माथिका वार्षिक ग्राहकलाई मात्र उपलब्ध हुनेछ।

यसबाहेक भायनेटका तीन महिनाभन्दा माथि नवीकरण अथवा नयाँ जडान गर्ने ग्राहकले टीभी ब्रान्ड हिसेन्सका उपकरण खरिदमा विशेष छुट पाउने भएका छन्।

भायनेटका ग्राहकलाई हिसेन्स टीभी, फ्रिज, वासिङ मेसिनलगायत इलेक्ट्रेनिक्स सामानमा २८ प्रतिशतसम्म छुट मिल्ने कम्पनीले जनाएको छ।  

असोज १, २०८१ बुधबार २०:२१:५४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।