गल्फ खेलिरहेको बेला डोनाल्ड ट्रम्पमाथि गोली प्रहार, पटकपटक ‘हत्या गर्ने प्रयास’
एजेन्सी : डोनाल्ड ट्रम्पमाथि आइतबार वेस्ट बाम पिचमा गल्फ खेलिरहेको समयमा फेरि एक पटक गोली प्रहार भएको छ।
सुरक्षा अधिकारीका अनुसार कोही निजी सशस्त्र व्यक्तिको लक्ष्य नै ट्रम्पमाथि प्रहार गर्ने हो। ती व्यक्ति गिरफ्तार भइसकेका छन्। उनको नाम रेन विस्ली राउथ भएको जनाइएको छ।
यो घटनाले विश्वभरका सञ्चारमाध्यमहरूको ध्यान आकर्षित गरेको छ। ट्रम्पमाथि यो हत्या प्रयास आइतबार फ्लोरिडाको वेस्ट पाम बीचस्थित ट्रम्प इन्टरनेशनल गल्फ क्लबमा भएको हो।
ट्रम्प क्लबको गल्फ कोर्समा ३०० देखि ५०० गज (२७५ देखि ४५५ मिटर) टाढा थिए, त्यहीबेला गोली चलाइएको थियो।
त्यसपछि सुरक्षाकर्मीले तत्काल चारदेखि पाँच राउण्ड फायर गरेका थिए। बन्दुकधारीले जवाफी फायरिङ गरेको थिए या थिएनन् त्यो भने प्रष्ट भएको छैन।
घटनास्थलमा एक एके–४७ शैलीको हतियार, स्कोप, दुईवटा ब्याकप्याक, र एक गोप्रो क्यामेरा फेला परेको छ। यी वस्तुहरू घटनामा संलग्न व्यक्ति वा व्यक्तिहरूसँग सम्बन्धित हुनसक्ने आशंका गरिएको छ।
प्रहरीले हत्या प्रयासमा संलग्न रहेको आरोपमा एक जनालाई पक्राउ गरेको छ। पक्राउ गरिएको व्यक्तिको पहिचान हालसम्म सार्वजनिक गरिएको छैन।
सुरक्षा बलहरूले ट्रम्पलाई सुरक्षित स्थानमा सार्न सफल भएका छन् तर, ट्रम्पलाई कुनै प्रकारको चोटपटक लागेको छैन। बीबीसीका अनुसार ट्रम्पलाई सुरक्षित राख्नका लागि सुरक्षा व्यवस्था कडा गरिएको छ।
यो घटना केही महिनाअघि पेनसिल्वेनियामा भएका गोली काण्डसँग जोडिन सक्छ, जहाँ ट्रम्पको कानमा गोली लागेको थियो र एक दर्शकको मृत्यु भएको थियो। यी घटनाले पूर्वराष्ट्रपति ट्रम्पको सुरक्षा अवस्थाबारे थप चासो र चिन्ता बढाएको छ।
अधिकारीहरूले घटनाको अनुसन्धान जारी राख्दै सुरक्षाको स्तर बढाउने तयारी गरिरहेका छन्। यस घटनाले अमेरिका र विश्वभरका सुरक्षा र सुरक्षाका विषयमा गम्भीर प्रश्नहरू उठाएको छ।
ट्रम्पले आफ्ना समर्थकहरूलाई दिएको सन्देशमा डोनाल्ड ट्रम्पले आफू सुरक्षित रहेको बताएका छन्।
‘मेरो वरिपरि गोलीको आवाज सुनियो, तर घटनाको बारेमा अफवाहहरू फैलनुअघि, म ठीक र सुरक्षित छु भनी सुन्न चाहन्छु,’ उनले भने।
उनले मलाई चुनावी अभियानबाट कसैले हटाउन नसक्ने भन्दै थपे, ‘कहिल्यै आत्मसमर्पण गर्दिन।’
भदौ ३१, २०८१ सोमबार ०७:४५:५४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
