नेपालले अमेरिका र स्कटल्यान्डसँग खेल्ने लिग-२ सिरिजको तालिका सार्वजनिक

काठमाडौं : आईसीसी विश्वकप लिग-२ अन्तर्गत अमेरिकामा हुने नेपाल, स्कटल्यान्ड र अमेरिकाबीचको सिरिजको खेल तालिका सार्वजनिक भएको छ।

सार्वजनिक खेलतालिका अुनसार नेपालले पहिलो खेल अमेरिकासँग २७ अक्टोबर अर्थात कात्तिक ११ गते खेल्नेछ।

दोस्रो खेल २९ अक्टोबरमा स्कटल्यान्ड, तेस्रो खेल अमेरिकासँग २ नोभेम्बर र चौथो तथा अन्तिम खेल ४ नोभेम्बरमा स्कटल्यान्डसँग हुने तय भएको छ।

सबै खेलहरू अमेरिकाको डालसस्थित ग्रान्ड पेरी क्रिकेट रंगशालामा नेपाली समयअनुसार राति सवा १० बजे सुरु हुनेछ।

त्यसअघि नेपालले भोलिदेखि क्यानडा र ओमानसँग लिग २ कै सिरिज खेल्दैछ। 

सेप्टेबर २४ अर्थात असोज ८ गतेसम्म खेलेपछि नेपाली टोलीले त्यहिँ सोही टोलीहरूबीच टी-२० सिरिज खेल्नेछ।

यो टि-२० सिरिज असोज १७ गते सकिनेछ। त्यसपछि मात्र नेपाली टोली अमेरिका जानेछ।

भदौ ३०, २०८१ आइतबार १२:२८:४४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।