बुल्गेरियाकी एन्ड्रिया काठमाडौं स्पाइकर्सबाट खेल्ने
काठमाडौं : बुल्गेरियाकी सेटर एन्ड्रिया त्सभेतानोभा काठमाडौं स्पाइकर्सबाट वात्सल्य एभरेष्ट महिला भलिबल लिग (इडब्लुभिएल) खेल्ने भएकी छिन्।
बुल्गेरियन लिगसहित शीर्षस्तरका लिग खेलेकी २४ वर्षीया एन्ड्रियाले बुल्गेरियन कप जितेको काठमाडौंले जनाएको छ।
काठमाडौंको मार्की खेलाडीमा राष्ट्रिय महिला भलिबल टोलीकी उषा भण्डारी रहेकी छिन्। टोलीलाई राष्ट्रिय खेलकुद परिषद्का भलिबलका मुख्य प्रशिक्षक जगदिश भट्टले प्रशिक्षण दिनेछन्।
त्रिपुरेश्वरस्थित राष्ट्रिय खेलकुद परिषदको कभर्ड हलमा ६ टोलीको सहभागिता असोज १४ देखि १९ गते सम्म इडब्लुभिएल हुनेछ।
टिम काठमाडौं
उषा भण्डारी ‘ए’, आरती सुवेदी ‘बि’, कोपिला राना ‘बि’, कमला पुन ‘बि’, उषा विष्ट ‘बि’, निशा महर ‘सी’, वसन्ती साउद ‘सी’, रश्मिता दुरा ‘सी’
भदौ २९, २०८१ आइतबार ०८:२२:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
