नेपाल प्रिमियर लिगका मार्की प्लेयरको मूल्य २० लाख
काठमाडौं : नेपाल प्रिमियर लिग (एनपिएल)का मार्की प्लेयरको मूल्य २० लाख रुपैयाँ तोकिएको छ।
नेपाल क्रिकेट संघ(क्यान)ले शनिबार मार्की टीमका लागि खेलाडी तय भएसँगै उनीहरूका लागि टिमले दिने रकम २० लाख रुपैयाँ तोकेको सचिव पारस खड्काले जानकारी दिए।
क्यानले राष्ट्रिय क्रिकेट टोलीका कप्तान रोहित कुमार पौडेलसहित दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई मार्की खेलाडीका रुपमा घोषणा गरेको थियो।
यी खेलाडीहरू क्रमश: लुम्बिनी, सुदूरपश्चिम, विराटनगर, कर्णाली, काठमाडौं, जनकपुर, पोखरा र चितवनका हुन्।
यस संस्करणको एनपिएल मंसिर १५ देखि पुस ६ सम्म आयोजना हुँदैछ।
भदौ ३०, २०८१ आइतबार ०८:१७:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
