अल-हुरेजीले आत्मघाती गोल गर्दा हारबाट जोगियो अल-नासर
एजेन्सी : साउदी प्रो लिगमा अल नासर हारबाट जोगिएको छ।
अल अहलीका अल-हुरेजीले आत्मघाती गोल गर्न पुग्दा नासर हारबाट जोगिएको हो। नासरले अल अहलीसँग १-१ को बराबरी खेल्यो।
अल-अवल पार्कमा सम्पन्न खेलमा अल अहलीका लागि फ्रान्क केइसीले गोल गर्दा नासरले भने १ गोल उपाहार स्वरुप पाएको थियो।
अहलीका लागि ५७औं मिनेटमा केइसीले गोल गर्दै सुरुवाती अग्रता दिलाएका थिए।
इन्ज्युरी समयमा अहलीका अल-हुरेजीले आत्मघाती गोल गर्न पुग्दा नासर हारबाट जोगियो।
बराबरीसँगै नासर शीर्ष स्थानमा उक्लिने मौकाबाट चुकेको छ। ३ खेलबाट ५ अंक जोडेको नासर छैटौं स्थानमा छ।
समान खेलबाट ४ अंक जोडेको अहली नवौं स्थानमा छ।
भदौ २९, २०८१ शनिबार १३:४३:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
