गाजाको विद्यालयमा पाँचौं पटक इजरायली आक्रमण, संयुक्त राष्ट्रसंघका छ कर्मचारी मारिए

एजेन्सी : प्यालेस्टाइनी शरणार्थीहरूको लागि काम गर्ने संयुक्त राष्ट्र एजेन्सीले मध्य गाजामा रहेको आफ्नो विद्यालयमा इजरायली हवाई आक्रमणमा छ कर्मचारीको मृत्यु भएको जनाएको छ।

संयुक्त राष्ट्रसंघको एजेन्सी यूएनआरडब्लूएले अक्टोबरमा इजरायल र हमासबीचको युद्ध सुरु भएयता एउटै घटनामा मारिने आफ्ना कर्मचारीको यो सबैभन्दा धेरै संख्या भएको बताएको छ।

अस्पतालका अधिकारीहरू र हमासद्वारा सञ्चालित सिभिल डिफेन्स एजेन्सीले नुसिरात शरणार्थी शिविरमा रहेको अल-जाउनी विद्यालयमा यसअघिको आक्रमणमा कम्तीमा १४ व्यक्तिको मृत्यु भएको बताए।

यस शरणार्थी शिविरमा हजारौं विस्थापित प्यालेस्टाइनीहरू शरण लिइरहेका छन्।

इजरायली सेनाले विद्यालय भित्रबाट आक्रमण गर्ने योजना बनाएका चरमपन्थीहरूमाथि ‘सटीक हमला’ गरेको बताएको छ। उसले आक्रमणका क्रममा सर्वसाधारणलाई नोक्सान नहोस् भनेर सावधानी अपनाएको दाबी गरेको छ।

युएनआरडब्ल्यूएले युद्ध सुरु भएदेखि गत ११ महिनामा विद्यालयमा पाँचौं पटक आक्रमण भएको जनाएको छ।

भदौ २६, २०८१ बिहीबार ११:५५:३७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।