इंग्ल्याण्डविरुद्धको पहिलो टी-२० मा अष्ट्रेलिया २८ रनले विजयी
काठमाडौं : इंग्ल्यान्ड विरुद्धको पहिलो टी-२०आई खेलमा अष्ट्रेलिया २८ रनको विजयी भएको छ।
इंग्ल्यान्डको साउथम्प्टनमा भएको खेलमा अष्ट्रेलियाले दिएको १८० रनको लक्ष्य पछ्याउने क्रममा इंग्ल्यान्ड १९.२ ओभरमा १५१ रनमा समेटियो।
टस हारेर पहिला ब्याटिङ गरेको अष्ट्रेलियाले निर्धारित ओभरको ३ बल बाँकी हुँदा सबै विकेट गुमाएर १७९ रन बनाएको थियो।
उसका लागि ट्राभिस हेडले ५९, म्याथ्यु सटले ४१ तथा जोस इंग्लिसले ३७ रनको पारि खेलेका थिए। यसैगरी क्यामरन ग्रीनले १३ तथा मार्कस स्टोइनिसले १० रनको योगदान दिए।
इंग्ल्याण्डका लियाम लिभिङस्टोनले ३ विकेट लिँदा जोफ्रा आर्चर र सकिव महमुदले दुई/दुई विकेट लिए।
१८० रनको लक्ष्यसहित मैदान उत्रिएको इंग्ल्याण्डका खेलाडीहरू रन बनाउन निकै संघर्षरत देखिए। लियाम लिभिङस्टोनले बनाएको ३७ रन नै सर्वाधिक ठूलो बन्यो।
यसैगरी कप्तान फिल साल्ट २०, साम करण १८, जोर्डन कोक्स १७, जेमि ओभर्टन १५ रनमा पभेलियन फर्किए । यसैगरी सकिव महमुदले १२ रन बनाए।
अष्ट्रेलियाका सिन एबटले ३ विकेट लिँदा एडम जाम्पा र जोस हेजलवुडले दुई-दुई विकेट लिए।
जितसँगै अष्ट्रेलिया तीन खेलको टी-२०आई श्रृंखलामा १-० को अग्रता लिएको छ।
भदौ २७, २०८१ बिहीबार ०७:२०:५१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
