अनरद्वारा विश्वको सबैभन्दा पातलो फोल्डेबल फोन सार्वजनिक
काठमाडौं : आफूलाई ग्लोबल टेक्नोलोजी लिडर अनरले ‘अनर म्यागिक भीथ्री’ लाई आईएफए २०२४ मा सार्वजनिक गरेको छ।
उक्त फोन संसारको सबैभन्दा पातलो इनवर्ड फोल्डेबल स्मार्टफोन भएको कम्पनीको दाबी छ। फोल्ड गर्दा फोन ९.२ मिलिमिटर मोटो हुन्छ। फोनको तौल मात्र २२६ ग्राम रहेको छ।
फ्ल्यागशिप स्मार्टफोनले ग्राउन्डब्रेकिंग एआई सुविधाहरू र उच्च स्थायित्वको साथ एक स्लीक डिजाइनलाई संयोजन गर्ने कम्पनीको दाबी छ। फोनले पाँच लाख पटकसम्म फोल्ड गर्न सकिने छ।
फोनमा ५ हजार १५० एमएएच तेस्रो पुस्ताको सिलिकन-कार्बन ब्याट्री छ, जसलाई ६६ वाट चार र ५० वाट वायरलेस चार्जरले चार्ज गर्न सकिन्छ।
यसमा ५० एमपी पेरिस्कोप टेलिफोटो लेन्स, ५० एमपी मुख्य क्यामेरा र असाधारण फोटोग्राफीको लागि ४० एमपी अल्ट्रा-वाइड क्यामेरा सहितको नवीन अनर फाल्कन क्यामेरा प्रणाली पनि समावेश छ।
म्यागिक भीथ्री मोबाइल सँगसँगै अनरले अनर म्याजिकबुक आर्ट १४, उन्नत एआई सुविधाहरू सहितको हल्का ल्यापटप र अनर म्याजिकप्याड २, १२.३ इन्चको डिस्प्ले र परिष्कृत अडियो-भिजुअल क्षमताहरू भएको उच्च-कार्यक्षमता ट्याब्लेट र अनर वाच ५ सार्वजनिक गर्यो।
भदौ २१, २०८१ शनिबार ०९:०३:५३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
