भारतले सफलतापूर्वक पक्षेपण गर्यो ब्यालेस्टिक मिसाइल अग्नि-४
काठमाडौं : भारतले शुक्रबार मध्यम दूरीको ब्यालेस्टिक मिसाइल अग्नि-४ सफलतापूर्वक प्रक्षेपण गरेको छ।
रक्षा मन्त्रालयको बयानका अनुसार यसलाई ओडिशाको चन्डिपुरको एकीकृत परीक्षण दायराबाट प्रक्षेपण गरिएको थियो। प्रक्षेपणले यसको परिचालन र प्राविधिक मापदण्डहरू पूरा गरेको छ।
अग्नि-४ मिसाइल रणनीतिक बल कमाण्ड अन्तर्गत प्रक्षेपण गरिएको छ।
अग्नि-४ को सफल परीक्षणलाई भारतका लागि निकै महत्त्वपूर्ण मानिएको छ। यो भारतको आणविक प्रतिरोध कार्यक्रमको एक हिस्सा हो। अग्नि–४ मिसाइलको दायरा चार हजार किलोमिटरभन्दा बढी छ।
भारतले यो वर्षको अप्रिलमा ओडिशाको तटमा रहेको अब्दुल कलाम टापुबाट एक हजारदेखि दुई हजार किलोमिटरसम्म मार हान्न सक्ने नयाँ पुस्ताको आणविक सक्षम अग्नि प्राइम ब्यालिस्टिक मिसाइल सफलतापूर्वक प्रक्षेपण गरेको थियो।
भदौ २२, २०८१ शनिबार ०७:५६:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
